တိုင်းရင်းဆေးတက္ကသိုလ်တွင် ကျန်းမာရေးဝန်ကြီးဌာနမှ ဦးဆောင်ကျင်းပသော Zoom Meeting အခမ်းအနား တက်ရောက်
====================================

၂၀၂၀ ခုနှစ်၊ ဇူလိုင်လ (၂၃)ရက်၊ ကြာသပ​တေးနေ့။
---------------------------------------------------------

မန္တလေးမြို့၊ ​အောင်​မြေသာစံမြို့နယ်၊ အိုးဘိုရွှေကျင်ရပ်ကွက်ရှိ
တိုင်းရင်းဆေးတက္ကသိုလ်၌ ယနေ့ (၂၃-၇-၂၀၂၀)ရက်၊ ကြာသပတေးနေ့ နံနက်လည် ၉:၀၀ နာရီတွင် ကျန်းမာရေးနှင့် အားကစားဝန်ကြီးဌာနမှ ဦးဆောင်ကျင်းပသော တိုင်းရင်းဆေးလောက ဖွံဖြိုး တိုးတက်စေရန်နှင့် တိုင်းရင်းဆေး တက္ကသိုလ် ဖွဲ့ဖြိုးတိုးတက်စေရန် Zoom Meeting အခမ်းအနားကို အခန်းအမှတ် (၂၀၂)၌ ကျင်းပခဲ့သည်။

အခမ်းအနားသို့ ပြည်ထောင်စု ဝန်ကြီး ဒေါက်တာမြင့်ထွေး၊ ပြည်ထောင်စု ဒုတိယဝန်ကြီး ဒေါက်တာမြ​လေးစိန်၊ ဦးစီးဌာနများမှ ညွှန်ကြားရေးမှူးချုပ်များ၊ ဆေးဘက်နှီးနွယ်တက္ကသိုလ်များမှ ပါမောက္ခချုပ်များ၊ ဒုတိယ ညွှန်ကြားရေးမှူးချုပ်များ၊ ညွန်ကြားရေးမှူးများ၊ တိုင်းရင်းဆေးပညာ အထူးအကြံပေးအဖွဲ့များနှင့် တိုင်းရင်းဆေးတက္ကသိုလ်မှ ခေတ္တပါမောက္ခချုပ်၊ ဒုတိယပါမောက္ခချုပ် (သင်ကြား)၊ ဒုတိယ ပါမောက္ခချုပ်(စီမံ)၊ Professors Emeritus များ၊ မန္တလေးတိုင်း တိုင်းရင်းဆေးပညာဦးစီးဌာနမှူး၊ မန္တလေး သင်ကြားရေး တိုင်းရင်းဆေးရုံအုပ်၊ တိုင်းရင်းဆေးဝါး ထုတ်လုပ်ရေး စက်ရုံမှူး၊ တိုင်းရင်းဆေးတက္ကသိုလ်မှ ပါမောက္ခဌာနမှူးများ၊ တာဝန်ခံဌာနမှူးများ၊ ဆရာဆရာမများ တက်ရောက်ခဲ့ကြသည်။

အဆိုပါ အခမ်းအနားတွင် ပြည်ထောင်စုဝန်ကြီး ဒေါက်တာမြင့်ထွေးက အစည်းအဝေးနှင့်ပတ်သက်သော ဆွေးနွေးရမည့် တိုင်းရင်းဆေးလောက ဖွံဖြိုးတိုးတက်ရေးနင့် တိုင်းရင်းဆေးတက္ကသိုလ် ဖွံဖြိုးတိုးတက်ရေးအတွက် ဆွေးနွေးရမည့် ခေါင်းစဥ်များဖြင့် အမှာစကားပြောကြားပြီး၊ ပြည်ထောင်စု ဒုဝန်ကြီး ဒေါက်တာ မြလေးစိန်က တိုင်းရင်းဆေးပညာသည် ပြည်သူလူထု၏ အခြေခံကျန်းမာရေး စောင့်ရှောက်ရေးတွင် အရေးပါသည့် နေရာတွင်ပါရှိကြောင်း အစပြု၍ အမှာစကား ပြောကြားသည်။ ထို့နောက် ကျန်းမာရေးနှင့် လူ့စွမ်းအားအရင်းအမြစ်ဦးစီးဌာနမှ ညွှန်ကြားရေးမှူးချုပ်က ဆွေးနွေးတင်ပြပြီး၊ တိုင်းရင်းဆေးပညာဦးစီးဌာန
ညွှန်ကြားရေးမှူးချုပ်က တိုင်းရင်းဆေးနှင့်ပတ်သက်သော လုပ်ငန်းများ၊ တိုင်းရင်းဆေးရုံများနှင့် တိုင်းရင်းဆေးဝါး ထုတ်လုပ်ရေးလုပ်များအကြောင်း တင်ပြဆွေးနွေးကြသည်။ ဆက်လက်၍ တိုင်းရင်းဆေး အထူးအကြံပေးအဖွဲ့ ဥက္ကဌက ဆွေးနွေးပြီး Professors Emeritus မှ ဆရာကြီးများကတင်ပြဆွေးနွေးကြသည်။ ထို်နောက် တိုင်းရင်းဆေးတက္ကသိုလ် ခေတ္တ ပါမောက္ခချုပ်က ဆွေးနွေးတင်ပြကာ တိုင်းရင်းဆေးအထူးအကြံပေးအဖွဲ့ အတွင်းရေးမှူးက ပိတ်ပင်လိုက်သည့် ဆေးပစ္စည်းအကြောင်း တင်ပြကြသည်။

တင်ပြမှုများ အပြီးတွင် တက်ရောက်လာကြသူများက ဆွေးနွေးမေးမြန်းကြပြီး ပြည်ထောင်စု ဝန်ကြီးက လိုအပ်သည်များကို ဖြည့်ဆည်းပေးကာ အခမ်းအနားကို မွန်းလွဲ ၁၂:၁၅ နာရီတွင် ရုပ်သိမ်းခဲ့ကြောင်း သိရသည်။