(၂၂-၆-၂၀၂၄) ရက်နေ့ နံနက် (၉:၀၀)နာရီ အခန်းအမှတ်(၂၀၂)တွင် တိုင်းရင်းဆေးတက္ကသိုလ် တွင် CTME Programme ကျင်းပပြုလုပ်ခဲ့ပါသည်။ ယင်းအစီအစဉ်တွင် သဘာပတိများအဖြစ် တိုင်းရင်းဆေးတက္ကသိုလ် ဒုတိယပါမောက္ခချုပ်(သင်ကြား)(ငြိမ်း)၊ ဂုဏ်ထူးဆောင်ပါမောက္ခ ပါမောက္ခဝင်းနိုင် နှင့် ဆေးပညာဌာန ပါမောက္ခ/ဌာနမှူး၊ ပါမောက္ခဌေးလွင် တို့က ဆောင်ရွက်ပြီး  တိုင်းရင်းဆေးတက္ကသိုလ်၊ ဆေးပညာဌာန လက်ထောက်ကထိက ဦးလှမျိုးဝင်း က “ဝိဇ္ဇာဓရနယနည်းစနစ်ဖြင့် ကျောက်ကျေဆေးစီမံပုံ” ခေါင်းစဉ်ဖြင့်လည်းကောင်း၊  နည်းပြ၊ ဒေါ်မီမီချို က  “ Importance of nutrients from an astrological point of views” ခေါင်းစဉ်ဖြင့်လည်းကောင်း ဟောပြောခဲ့ပါသည်။ 

အခမ်းအနားတွင် တိုင်းရင်းဆေးပညာဦးစီးဌာန၊ ညွှန်ကြားရေးမှူးချုပ်(ငြိမ်း)‌ဒေါက်တာမိုးဆွေ၊ တိုင်းရင်းဆေးအရပ်ရပ်ဆိုင်ရာအကြံပေးအဖွဲ့ အဖွဲ့ဝင် ဆရာကြီး ဦးမြင့်လွင်၊ တိုင်းရင်းဆေးပညာဦးစီးဌာနမှူး ဒေါ်ခင်ဖြူသက်၊ တိုင်းရင်းဆေးရုံအုပ်ကြီး ဒေါ်မိုးသီတာဝင်း၊ မော်ကွန်းထိန်း ဦးမြင့်အေး၊  မြန်မာနိုင်ငံ တိုင်းရင်းဆေး ဆရာအသင်းမန္တလေး ဒုတိယဥက္ကဋ္ဌ ဦးသင်း၊ နှင့်  ပါမောက္ခ/ဌာနမှူးများ၊ ကထိက/ဌာနမှူးများ၊ တိုင်းရင်းဆေးနှီးနွယ်ဌာနများမှ ဆရာ/မများ၊ ပြင်ပမှ တိုင်းရင်းဆေးပညာစိတ်ပါဝင်စားသူများ ကျောင်းသား/သူများ တက်ရောက်ခဲ့ရာ တက်ရောက်လာသူများမှ သိလိုသည်များကို မေးမြန်းဆွေးနွေးပီး အစီအစဉ်ကို (၁၂)နာရီ တွင် ပြီးမြောက်ပါသည်။  ၎င်းအခမ်းအနားအစီအစဉ်တွင်ဦးစည်သူဝင်း၊ ဦးပြည့်စုံအောင် ဒေါင်းရာဇာ တိုင်းရင်းဆေးဝါးထုတ်လုပ်ရေး မိသားစု မန္တလေးမြို့က ကူညီပံ့ပိုးထားပါသည်။