(၁၄) ကြိမ်မြောက် တိုင်းရင်းဆေးသုတေသနစာတမ်းဖတ်ပွဲကို ကြိုဆိုဂုဏ်ပြု သောအားဖြင့် တိုင်းရင်းတက္ကသိုလ်၊ မန္တလေး၏ (၁၅) ကြိမ်မြောက် စုပေါင်းသွေးလှူဒါန်းပွဲကို ယနေ့နံက် (၉) နာရီတွင် တိုင်းရင်းဆေးတက္ကသိုလ်နယ်မြေ၊ ဧကရာဇ်ခန်းမ၌ ကျင်းပရာ တိုင်းရင်းဆေးတက္ကသိုလ်၊ မန္တလေး ပါမောက္ခချုပ် ပါမောက္ခဒေါက်တာသိန်းဇော်လင်း၊ ပါမောက္ခ/ဌာနမှူးများ၊ ဒုတိယပါမောက္ခနှင့် ကထိက/ဌာနမှူးများ၊ မော်ကွန်းထိန်း ဦးမြင့်အေး၊ မန္တလေးပြည်သူ့ဆေးရုံကြီး၊ သွေးလှူဘဏ်မှ တာဝန်ရှိသူ ဆရာ၊ ဆရာမများ၊ ဝန်ထမ်းများ၊ သွေးအလှူရှင်များ တက်ရောက်ကြပါသည်။ အဆိုပါသွေးလှူဒါန်းပွဲတွင် ဝန်ထမ်းများ၊ ကျောင်းသား၊ ကျောင်းသူများ စုပေါင်း သွေးလှူဒါန်းကြရာ သွေးအိတ်ပေါင်း (၇၅) အိတ်လှူဒါန်းနိုင်ပြီး သွေးလှူဘဏ်မှ ဂုဏ်ပြုလက်မှတ် ပြန်လည်ပေးအပ်ခဲ့ပါသည်။
