(၁၁-၅-၂၀၂၄) ရက်နေ့ နံနက် (၉:၀၀)နာရီ အခန်းအမှတ်(၂၀၂)တွင် တိုင်းရင်းဆေးတက္ကသိုလ် တွင် CTME Programme ကျင်းပပြုလုပ်ခဲ့ပါသည်။ ယင်းအစီအစဉ်တွင် သဘာပတိများအဖြစ် တိုင်းရင်းဆေးပညာရပ်ဆိုင်ရာ အကြံပေး အဖွဲ့ (အဖွဲ့ဝင်) ဂုဏ်ထူးဆောင်ပါမောက္ခ ဦးဝထွန်းနှင့် ကလေးရောဂါဆေးပညာဌာနမှ ဒုတိယပါမောက္ခ/ဌာနမှူး၊ ဦးသန်းအုန်း တို့က ဆောင်ရွက်ပြီး မြန်မာစာဌာနမှ ကထိက/ဌာနမှူး ဒေါ်ထိပ်တင်မြတ် က “ကဝိလက္ခဏာ သတ်ပုံ သံပေါက်ကျမ်းလာ တိုင်းရင်းဆေးပညာရပ်ဆိုင်ရာ သံပေါက်(၄)ပုဒ်ကို လေ့လာခြင်း” ခေါင်းစဉ်ဖြင့် လည်းကောင်း၊ ပါဠိသက္ကတဌာနမှ လက်ထောက်ကထိက ဒေါ်သန္တာချစ် က “ ဝိနယပိဋက ပါရာဇိကကျမ်းလာ ဆေးဖက်ဝင် အပင်အချို့ကို လေ့လာခြင်း” ခေါင်းစဉ်ဖြင့်လည်းကောင်း၊ ဟောပြောခဲ့ပါသည်။ ၎င်း အစီအစဉ်တွင် ပါမောက္ခချုပ် ပါမောက္ခဒေါက်တာ သိန်းဇော်လင်း၊ ပါမောက္ခ/ဌာနမှူးများ၊ ကထိက/ဌာနမှူးများ၊ တိုင်းရင်းဆေးနှီးနွယ် ဌာနများမှ ဆရာ/မများ၊ ကျောင်းသား/သူများတက်ရောက်ခဲ့ရာ တက်ရောက်လာသူများမှ သိလိုသည်များကို မေးမြန်းဆွေးနွေးပီး အစီအစဉ်ကို (၁၂)နာရီ တွင် ပြီးမြောက်ပါသည်။ ၎င်း အစီအစဉ်ကို ဦးခင်မောင်ဦး UBK တိုင်းရင်းဆေးဝါးထုတ်လုပ်ရေး ဆေးဆရာကြီးဦးဘကြင်၏ UBK အမှတ်တံဆိပ်တိုင်းရင်းဆေးဝါး အမျိုးမျိုး ဒေါင်းရာဇာ အမှတ်တံဆိပ် တိုင်းရင်းဆေးဝါးအမျိုးမျိုး ထုပ်လုပ်ရေး မိသားစု မန္တလေးမြို့က ကူညီပံ့ပိုးထားပါသည်။
