Outcomes Based Curriculum Development Workshop ကို ၁၈-၁၂-၂၀၁၉ ယနေ့နံနက် (၉:၀၀)နာရီ၌ တိုင်းရင်းဆေးတက္ကသိုလ် မန္တလေး ဘွဲ့နှင်းသဘင်ခန်းမတွင် ကျင်းပသည်။

ဖွင့်ပွဲအခမ်းအနားကို နံနက် ၉နာရီတွင် ကျင်းပရာ ခေတ္တပါမောက္ခချုပ် ပါမောက္ခဒေါက်တာသိန်းဇော်လင်းက အဖွင့်အမှာစကားပြောကြားပြီး အလုပ်ရုံဆွေးနွေးပွဲကို ဆက်လက် ကျင်းပပါသည်။

အဆိုပါ ဆွေးနွေးပွဲသို့ မန္တလေးမြို့ပေါ်ရှိ ဆေးဘက်နှီးနွယ်တက္ကသိုလ်များမှ ပါမောက္ခချုပ်များ၊ အငြိမ်းစား ပါမောက္ခချုပ်များ၊ တိုင်းရင်း​ဆေးပညာဉီးစီးဌာန ဒုတိယညွှန်ကြားရေးမှူးချုပ်အငြိမ်းစား၊ Professors Emeritus များ၊ အငြိမ်းစား ပါမောက္ခ ဌာနမှူးများ၊ မန္တလေးတိုင်းဒေသကြီး တိုင်းရင်းဆေးပညာဦးစီးဌာန ဉီးစီးမှူး၊ မန္တလေးတိုင်းဒေသကြီး တိုင်းရင်းဆေးကောင်စီဝင်များ၊ မန္တလေးသင်ကြားရေး တိုင်းရင်းဆေးရုံအုပ်၊ တိုင်းရင်းဆေးဝါးထုတ်လုပ်ရေး စက်ရုံမှူး၊ တိုင်းရင်းဆေးတက္ကသိုလ်မှ ပါမောက္ခ ဌာနမှူးများနှင့် ဆရာ ဆရာမများ တက်ရောက်ကြသည်။

ဆွေးနွေးပွဲကို ၂၀-၁၂-၂၀၁၉ အထိ (၃)ရက် တိုင်တိုင်ကျင်းပမည် ဖြစ်ရာ မန္တလေးမြို့ပေါ်ရှိ ဆေးဘက်နှီးနွယ် တက္ကသိုလ်များမှ ပါမောက္ခချုပ်များက သဘာပတိများအဖြစ် ဆောင်ရွက်ပြီး speaker များအဖြစ် ဆေးတက္ကသိုလ် မန္တလေးနှင့် တိုင်းရင်းဆေးတက္ကသိုလ် မန္တလေး မှ Medical Education ဘွဲ့ရ ဆရာ၊ ဆရာမများက ဆောင်ရွက်ကြမည်ဖြစ်သည်ဟု သတင်းရရှိသည်။

University of Traditional Medicine တွင် Myanmar China Collaboration Centre ဖွင့်လှစ်ထားပြီးနောက် Myanmar China TM Exchange Program အဖြစ် တိုင်းရင်းဆေးတက္ကသိုလ်သို့ ၁၇-၁၂-၂၀၁၉ နေ့ မနက် ၈:၃၀ တွင် လာရောက်ပါသည်။

Prof. Zhou Qing နှင့်အဖွဲ့သည် တိုင်းရင်းဆေးတက္ကသိုလ် နှင့် ကုတင် ၁၀၀ သင်ကြားရေးတိုင်းရင်းဆေးရုံကြီ(မန္တလေး) တို့တွင် တိုင်းရင်းဆေးပညာ ဖလှယ်ခြင်းကို ဆောင်ရွက်ကြမည် ဖြစ်ကြောင်း သိရပါသည်။

ရှေးဉီးစွာ တိုင်းရင်းဆေးတက္ကသိုလ် ခေတ္တပါမောက္ခချုပ် ပါမောက္ခ ဒေါက်တာ သိန်းဇော်လင်းက အဖွင့်အမှာစကား ပြောကြားသည်။

ထို့နောက် တရုတ်ပြည်သူ့သမ္မတနိုင်ငံ၊ ယူနန်တက္ကသိုလ်မှ ကထိက DR WAI HNIN YI က T.O.T သင်တန်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး YLICM မှ တိုင်းရင်းဆေးတက္ကသိုလ်(မန္တလေး)သို့ လှူဒါန်းသော ပစ္စည်းများအတွက် တိုင်းရင်းဆေးတက္ကသိုလ် ပါမောက္ခချုပ်မှလည်းကောင်း၊ ခုတင်(၁၀၀)ဆံ့ တိုင်းရင်းဆေးရုံကြီးသို့ လှူဒါန်းသော ပစ္စည်းများအတွက် ခုတင်(၁၀၀)ဆံ့တိုင်းရင်းဆေးရုံအုပ်ကြီး ဦးဆန်းလွင်က လက်ခံရယူကြပြီး ဂုဏ်ပြုမှတ်တမ်းများကို ပြန်လည်ပေးအပ်ကြသည်။

အဆိုပါသင်တန်းသို့ ပြည်နယ်နှင့် တိုင်းဒေသကြီး အသီးသီးမှ သင်တန်းသူ ၂၅ ဉီး တက်ရောက်ကြပြီး သင်တန်းဖွင့်ပွဲသို့ မြန်မာနိုင်ငံ တိုင်းရင်းဆေးပညာ အကြံပေးဥက္ကဌ ဒေါက်တာမိတ်၊ တိုင်းရင်းဆေးပညာ ဦးစီးဌာန ဒုတိယညွှန်ကြားရေးမှူးချုပ်ငြိမ်း ဦးကျော်သိမ်းဌေး၊ တိုင်းရင်းဆေးတက္ကသိုလ် Professor Emeritus များ၊ တိုင်းရင်းဆေးပညာဦးစီးဌာန မန္တလေးတိုင်းဒေသကြီး ဦးစီးမှူး၊ တိုင်းရင်းဆေးတက္ကသိုလ် ပါမောက္ခ ဌာနမှူးများနှင့် ကထိက ဌာနမှူးများ၊ မော်ကွန်းထိန်း၊ FITCG ကူမင်းမှ တာဝန်ရှိသူများ၊ မန္တလေးတိုင်းဒေသကြီး မြန်မာ-တရုတ်ချစ်ကြည်ရေးအသင်း အတွင်းရေးမှူး ဒေါ်ခင်စောဉီးနှင့် တာဝန်ရှိသူများ၊ ဖတ်ကြားထားသူများ တက်ရောက်ကြကြောင်း သိရသည်။