ယနေ့(၂၆-၁၂-၂၀၂၂)ရက်နေ့ နံနက်(၉း၃၀)အချိန်တွင် တိုင်းရင်းဆေးတက္ကသိုလ်၊ မန္တလေး နှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်းကျင်းပသည့် “လူငယ်စကားဝိုင်း”  အခမ်းအနားကျင်းပခြင်း အစီအစဉ်ကို  မန္တလေး တိုင်းရင်းဆေးတက္ကသိုလ်၊ အခန်းအမှတ်(၂၀၂) တွင် ကျင်းပပြုလုပ်ခဲ့ရာ တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်း ၊ ပါမောက္ခ/ဌာနမှူးများ ၊ တိုင်းရင်းဆေးဝါးစက်ရုံ စက်ရုံမှူး၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူး ဒေါ်ဝေဝေဖြိုးနှင့် နှင့်  ဆရာ/မများ၊ ကျောင်းသား/သူများ တက်ရောက်ခဲ့ကြပါသည်။ အခမ်းအနားကို အစီအစဉ် ၅ ရပ်ဖြင့် ကျင်းပခဲ့ရာ စကားဝိုင်းတွင် ကျောင်းသား/သူ(၅)ဦးက “လူငယ်နှင့် ပညာရေး” ခေါင်းစဉ်ဖြင့်လည်းကောင်း၊ “လူငယ်နှင့်ကျန်းမာရေး” ခေါင်းစဉ်ဖြင့်လည်းကောင်း၊ “လူငယ်နှင့် အားကစား” ခေါင်းစဉ်ဖြင့်လည်းကောင်း၊ “လူငယ်နှင့်မူးယစ်ဆေး” ခေါင်းစဉ်ဖြင့်လည်းကောင်း၊  “လူငယ်နှင့်လူကုန်ကူးမှု” ခေါင်းစဉ်ဖြင့် လည်းကောင်း ပါဝင်ဆွေးနွေးခဲ့ကြပါသည်။  အခမ်းအနားအပြီးတွင် ကျောင်းသား/သူများအား ဂုဏ်ပြုမှတ်တမ်းလွှာများ  ပေးအပ်ချီးမြှင့်ပြီး၊ မှတ်တမ်းတင်ဓါတ်ပုံများရိုက်ကူးပြီး အခမ်းအနားကို နံနက်(၁၁း၃၀)တွင် အောင်မြင်စွာပြီးစီးကျင်းပခဲ့ပါသည်။

#Hmk

၎

င

၎

၎

Hits: 393

၂၀၂၂ ခုနစ် နိုဝင်ဘာ လ (၂၁) ရက်နေ့၊ နံနက် (၁၀:၀၀)အချိန် တိုင်းရင်းဆေးတတက္ကသိုလ် အခန်းအမှတ်(၂၀၂)တွင် ဆေးနှင့်ဆေးဘက်နှီးနွယ်တက္ကသိုလ်များ၏ Fresher Welcome (11/2022)(ပထမနှစ် သင်တန်း)ကို Zoom Application ဖြင့် ကျင်းပခဲ့ပါသည်။  ယင်းအခမ်းအနားတွင် ကျန်းမာရေးဝန်ကြီးဌာန ၊ ပြည်ထောင်စုဝန်ကြီး၊ ပါမောက္ခဒေါက်တာသက်ခိုင်ဝင်း က အမှာစကားပြောကြားပြီး၊ တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်း၊ မော်ကွန်းထိန်း ဦးမြင့်အေး၊ ပါမောက္ခ/ဌာနမှူးများ၊ ဆရာ/မများနှင့် (၁၁/၂၀၂၂) ပထမနှစ် ကျောင်းသား/သူများနှင့် အတန်းအသီးသီးမှ ကျောင်းသား၊ ကျောင်းသူများ စုံညီစွာတက်ရောက်ခဲ့ကြပါသည်။   (၁၁/၂၀၂၂)သစ်လွင်ကြိုဆိုပွဲအခမ်းအနား (၁၁:၃၀)နာရီတွင် ပြီးစီးပါသည်။

ယခုနှစ် တိုင်းရင်းဆေးတတက္ကိသိုလ်ဝင်ခွင့်ရ အနိမ့်ဆုံးအမှတ်(၃၅၂)သတ်မှတ်ထားပြီး စာတွေ့လက်တွေ့(၄)နှစ်နှင့်အလုပ်သင်(၁)နှစ်တက်ရောက်ရမည်ဖြစ်ပါသည်။

#HMK

၎

င

၎

၎

Hits: 384

တိုင်းရင်းဆေးမိသားစု၏(၄၅)ကြိမ် မဟာဘုံကထိန်အလှူတော်မင်္ဂလာကို ယနေ့(၃-၁၁-၂၀၂၂)ရက်နေ့ နံက် (၉း၃၀)အချိန်တွင် မန္တလေးတော်ခြေ၊ ဥဿာပရိပတ္တိစာသင်တိုက်တွင် ခင်းကျင်းလှူဒါန်းခဲ့ရာ ဥူးသုန္ဒရဆရာတော်အမှူးရှိသော ရဟန်းသာမဏေ အပါး(၈၈)ပါးအား သင်္ကန်းနှင့်လှူဖွယ်ပစ္စည်းများ စုစုပေါင်း တန်ဖိုးငွေကျပ် (၅,၃၉၅,၀၀၀) တိတိကို လှူဒါန်းပူဇော်ခဲ့ပါသည်။ 

ကထိန်သင်္ကန်းဆပ်ကပ်လှူဒါန်းမှုအစုစုကို မန္တလေးမြို့ ပေါင်းလဲတိုက် အနန္တာဂုဏ်ရည်ကျောင်းတိုက် တိုက်အုပ်ဆရာတော်ကြီး ဥူးဇဝနဘိဝံသ ဆရာတော်ကြီးမှ လှူဒါန်းမှုအစုစုအတွက် ရေစက်ချတရားတော်များ ဟောကြားချီးမြှင့်ခဲ့ရာ တိုင်းရင်းဆေးတက္ကသိုလ် ပါမောက္ခချုပ် ပါမောက္ခဒေါက်တာသိန်းဇော်လင်းနှင့်ဇနီးဒေါ်မျိုးသီတာအေး၊ စက်ရုံမှူး ဦးသန်းထွန်းအောင်၊ ဒု-ဆေးရုံအုပ် ဒေါ်သိန်းထိုက် ၊ မန္တလေးတိုင်းဒေသကြီး ဦးစီးဌာနမှူး ဒေါ်ချိုသဲလတ် နှင့် တိုင်းရင်းဆေးဆရာအသင်းမှ ဆရာဦးသင်းနှင့် တိုင်းရင်းဆေးမိသားစု ဆရာ/မများ ဝန်ထမ်းများအားလုံးက တရားတော်ကို နာယူကာ ရေစက်သွန်းချ လှူဒါန်းခဲ့ပါသည်။

#HMK

၎

င

၎

၎

Hits: 445

 ၂၀၂၂ ခုနှစ် စက်တင်ဘာလ ၁၆ ရက် နေ့လယ် ၂:၃၀ နာရီက တက္ကသိုလ် အခန်းအမှတ် ၂၀၂ တွင် ပါမောက္ခချုပ် နှင့်  professor emeritus များ၊ ပါမောက္ခ/ဌာနမှူးများ၊ ဆရာ/ ဆရာမများ၊  မဟာတန်းတက်ရောက်လျက်ရှိသော သင်တန်းသား/သူများ၊ ပေါင်းကူး သင်တန်းသား/သူများ စုပေါင်းလျက် လက်ရှိ ကမ္ဘာတွင် ကူးစက်ပြန့်ပွါး လျက်ရှိသည့် မျောက်ကျောက်(Monkeypox) ရောဂါအကြောင်း ကို တိုင်းရင်းဆေးမဟာသင်တန်းသူတစ်ဦးက သိပ္ပံအမြင်၊ အနောက်တိုင်းဆေးအမြင်၊ တိုင်းရင်းဆေးအမြင်များ၊ ကုထုံးများ၊ ရှောင်ရန် ဆောင်ရန်အချက်များကို ဆွေးနွေးပြီး တက်ရောက်လာသော ဆရာ/မ များက ဝိုင်းဝန်းဆွေးနွေးကာ အခမ်းအနားကို ညနေ ၅:၀၀ တွင် ရုတ်သိမ်းခဲ့ကြောင်း သိရသည်။
အဆိုပါ မျောက်ကျောက်ရောဂါကို တိုင်းရင်းဆေးပညာဖြင့် စနစ်တကျ ကုသပေးနိုင်ရေး တိုင်းရင်းဆေးပညာဦးစီးဌာနသို့ ဆက်လက် တင်ပြဆောင်ရွက်သွားမည်ဖြစ်ပါသည်။

#HMK

၎

င

၎

၎

၎

င

၎

၎

Hits: 421